პლატფორმით სარგებლობა შესაძლებელია მასზე რეგისტრაციის გავლის შემდეგ, რაც ხორციელდება შესაბამის სარეგისტრაციო გვერდზე შესაბამისი ინფორმაციის მითითებითა და წესებსა და პირობებზე დათანხმებით.
სითიქომის პლატფორმაზე რეგისტრაციისას მომხმარებელმა უნდა მიუთითოს თავისი სახელი/ გვარი, ელ. ფოსტის მისამართი, ტელეფონის ნომერი, სითიქომის ბარათის ნომერი და სხვა პერსონალური ინფორმაცია, რომელიც შეიძლება საჭირო იყოს ან სამომავლოდ გახდეს საჭირო მომხმარებლისთვის სითიქომის სერვისის სრულფასოვნად მიწოდებისთვის.
პლატფორმაზე რეგისტრაციის გავლის შემდეგ იქმნება მომხმარებლის ანგარიში. საკუთარი ანგარიშის დაცვას მომხმარებელი უზრუნველყოფს მის მიერ განსაზღვრული პაროლით. პაროლს სითიქომის პლატფორმის სისტემა ინახავს ჰეშირებული/ დაშიფრული სახით, შესაბამისად პაროლი არ არის ცნობილი/ ხელმისაწვდომი სითიქომისთვის. სითიქომი არ არის პასუხისმგებელი მომხმარებლის მიერ თავისი პაროლის სხვა მესამე პირისთვის გაზიარების შედეგებზე.
მომხმარებლის ანგარიშში შესვლით მომხმარებელს შეუძლია დაინახოს:
მის მიერ რეგისტრაციისას მითითებული მისი პერსონალური ინფორმაცია, კერძოდ: სახელი/ გვარი, ტელეფონის ნომერი, ელ.ფოსტა, მისი ბინის ნომერი;
მის ბინაზე რეგისტრირებული სითიქომის ყველა ბარათი;
მისი მიმდინარე ბალანსი სითიქომში;
ბოლო შესრულებული ტრანზაქციები (ტრანზაქციის აღწერა, თარიღი, ტრანზაქციის თანხის ოდენობა, ტრანზაქციის სტატუსი);
მისი მიმდინარე დავალიანება (არსებობის შემთხვევაში);
ამხანაგობის სახელი;
ამხანაგობის საერთო ბალანსი;
ინფორმაცია ამხანაგობის აქტიური და არააქტიური წევრების შესახებ ;
ამხანაგობის მიერ დაგროვებული თანხა თვეების ჭრილში ;
სტატისტიკა ამხანაგობის მიერ შეგროვებული და დახარჯული თანხების მაჩვენებლით;
საწევროს ყოველთვიურად გადასახდელი თანხა ამხანაგობის პაკეტიდან გამომდინარე და მომხმარებლის სტატუსი (აქტიური /არააქტიური) გადახდის თარიღი;
ის სერვისები, რომელსაც იყენებს ამხანაგობა.
პლატფორმის მეშვეობით მომხმარებელმა შეიძლება განახორციელოს შემდეგი ქმედებები:
სითიქომის ბალანსის შევსება;
სითიქომის ახალი ბარათის დამატება/გააქტიურება ;
მიიღოს ინფორმაცია სითიქომის მომსახურებაში, ძირითადი ხელშეკრულების პირობებში ცვლილების შესახებ;
სადარბაზოს კარის დისტანციურად გაღების მიზნით დაარეგისტრიროს მობილური ტელეფონის ნომერი ; მომხმარებელი აცნობიერებს, რომ პლატფორმაზე მითითებული ტარიფები, გარდა იმ გადასახადებისა, რომლებიც ძირითადი ხელშეკრულების მიხედვით შეიძლება ცალმხრივად შეიცვალოს სითიქომის მხრიდან, განისაზღვრება სითიქომსა და ამხანაგობას შორის შეთანხმებით. შესაბამისად, ნებისმიერი პრეტენზია ტარიფების ოდენობასთან დაკავშირებით მიმართული უნდა იყოს თავად ამხანაგობასთან.
მომხმარებელი აცნობიერებს, რომ გამომდინარე ტექნიკური საკითხებიდან და იმ დროიდან, რაც სხვადასხვა შუამავლის მეშვეობით თანხის გადახდის პლათფორმაზე ასახვას ესაჭიროება, პლატფორმაზე მითითებული ინფორმაცია სითიქომის ბალანსთან დაკავშირებით არ წარმოადგენს საბოლოო და დადასტურებულ ინფორმაციას სითიქომის მხრიდან. სითიქომის ბალანსთან და მომხმარებლის მიერ განხორციელებული ტრანზაქციების შესახებ ზუსტი ინფორმაციის მიღებისთვის საჭიროა, რომ მომხმარებელმა მიმართოს სითიქომის ადმინისტრაციას.
მომხმარებელი ვალდებულია პლატფორმაზე რეგისტრაციის დროს მიუთითოს სწორი ინფორმაცია. სითიქომი უფლებამოსილია, მაგრამ არ არის ვალდებული გადაამოწმოს მომხმარებლის მიერ მითითებული ინფორმაციის სიზუსტე და ასევე იხსნის პასუხისმგებლობას მომხმარებლის მიერ არასწორი ინფოს მოწოდების შედეგებზე. მომხმარებლის მხრიდან არასწორი ინფორმაციის მითითების შემთხვევაში სითიქომი უფლებამოსილია მომხმარებელს დროებით შეუზღუდოს მის ანგარიშზე წვდომა.